Doodahaas iyo falanqayntaas dheer kadib waxaa laysla gartay in la yagleelo Xisbi horseedi karo midnimo, cadaalad, sinaan, xoojiyana wadajir umada soomaaliyeed iyo nabad kuwada noolashahooda oo ku dhisan mabaadi’da Islaamka, dhaqanka iyo anshaxa suuban ee Soomaalida, kana hufan eex, caburin, cadaalad darro, qabyaalad, quursi iyo wadaniyad xumo, kana saari karo umadda Soomaaliyeed jahawareerka siyaasadeed, dhaqaala xumida, faqriga iyo daryeel la’aanta ladegtaylaguna badbaadiyo jiritaanka midnimada umada Soomaaliyeed ee.

Madashu waxay astaysay in dhibaatada soomaaliya ay gun u tahay cadaalad darro waddada kaliya ee lagu samata bixin karana ay tahay in la helo xoriyad, cadaalad, dib uheshiisiin lahubiyey, wadaniyad iyo hufnaan.

Haddaba marki la xeeriyay arrimahaas, la garwaaqsaday baahida loo qabo samaynta xisbiga tilmaamahaas leh, la tixgeliyay Qod47 iyo 22(1/b) ee Dastuurka KMG, waxaa la go’aamiyay maanta ay taariikhdu tahay 26Juun 2014 Dhisidda Xisbiga Cadaaladda iyo Midnimadda.